¿Sabes que pasa na Estrada?

No primeiro Consello de Ministros posterior ás vacacións aprobouse definitivamente o convenio entre o Concello de A Estrada e o Ministerio de Ciencia e Tecnoloxía. Segundo publican o Faro de Vigo e a Voz de Galicia, o presuposto do proxecto de A Estrada supón a inversión de 5,2 millóns de euros de aquí ao 2007. O ministerio comprometeu a aportación do 50%, e o resto o financiarán a Xunta, a Diputación e o Concello, coa colaboración de Caixa Galicia (?).
Seguindo a liña marcada ata agora, non fun quen de ver (polo momento) o texto dos distintos convenios asinados polo Concello de A Estrada, así como do anteproxecto/proxecto no que se basean todos eles. Nin na web do Concello, nin na da Estrada Dixital, nin no Ministerio de Ciencia e Tecnoloxía, nin na páxina da Moncloa, atopei dados concretos do contido do convenio. Só a prensa local informa dalgúns detalles, polo que entendo que manexan información privilexiada obtida dos integrantes de A Estrada Dixital. O escurantismo co que se leva o proceso xenera moita desconfianza no desenvolvemento do proxecto, impedindonos aos cidadáns estradenses avaliar, fiscalizar e intervir nunha inversión de case 6 millóns de €. Durante este tempo non houbo mais que declaracións de intencións e referencias erráticas sobre o contido real do proxecto, así como a insistencia na inversión económica (o canto) evitando referencias a actuacións concretas (o qué) .
Aínda así, se publican no Faro de Vigo (4-9-2004), por primeira vez, unha parte dos presupostos previstos para as diferentes liñas de actuación (a prosa é orixinal de Daniel Fernández, redactor do Faro de Vigo). Sorprenden algunhas cifras, como que o 50 % da inversión anunciada se concentra en dous apartados, marketing e a creación de ferramentas informáticas para os empresarios que suman ¡1.713.000 € = 284.000.000 pesetas!

• Formación (293.488 €) Plan formativo dirixido a todos os sectores sociais que se impartirá de maneira presencial e on-line. Esta iniciativa pretende conseguir que todos os estradenses saiban usar os equipos informáticos e se beneficien dos servicios que se poñan en marcha.
• Ruralcentros (104.139 €) Habilitarán-se 15 casa-escolas con equipos informáticos para acercar Internet ao medio rural
• Equipos informáticos (390.000 €) Baixo o título "En cada casa un PC" o concello estradense creará unha línea de subvencións para comprar ordenadores e equipos informáticos
  
• Plataforma (265.861 €) Conformación dunha Plataforma Servidora de Acceso a los Servicios de "A Estrada Dixital". Este equipo actualizará os contidos e dotará de información aos distintos servicios para mellorar a calidade de vida dos usuarios
• Pontos de Acceso (102.312 €) A localidade estradense contarán con seis Puntos de Acceso Público (PAP), con forma similar a unha cabina telefónica, pero que no interior dispoñen dun ordenador con acceso a Internet.
• Teleadministración (561.976 €) Esta ferramienta permitirá realizar, por medio dun ordenador, empadroamentos, solicitudes de información, presentación de avales e pago de impostos.
• Sector económico (1.338.278 €) Creación de ferramientas de xestión para os empresarios, como "Moblenet", "Plataforma para a ACE", Viveiro de empresas, "Teleduca", "Comercia" -centro virtual de comercio electrónico-, "Estradaverde" -para o turismo rural- e "Estradaexterior", que permitirá as conexións e videoconferencias co extranxeiro
• Marketing (379.625 €) O proxecto contempla unha importante partida para a difusión e promoción das posibilidades entre os estradenses e tamén no resto de Galicia, xa que o proxecto alcanza este ámbito.